januar 2020

31jan20:00Marit Eikemo og Bjørn TomrenLitterært og musikalsk møte

Les meir

Om arrangementet

Møt forfattar Marit Eikemo og songar Bjørn Tomren i bokpresentasjon fredag 31. januar kl 20!

I eit skur på Kvanndal kai deler tre framande ei flaske sprit ei natt opp mot jul. Ei mor og ei dotter køyrer innover dei farlege vegane i Hardanger – mora vil vise den likesæle tenåringsjenta kor ho sjølv kjem ifrå. Ein mann lagar 50 liter sider på bestilling, men det går ikkje heilt etter planen.
Novellene i «Hardanger» handlar om å reise bort og om å komme heim, og om å alltid bere med seg staden ein kjem ifrå. Eikemo skriv om det innforståtte og unike i det lokale og om det alle kan kjenne seg att i: fellesskap, vennskap og kjærleik og ambivalensen i relasjonane mellom menneske.

Marit Eikemo (f. 1971) er frå Odda og bur i Bergen. Ho har tidlegare arbeidd som tidsskriftredaktør, festivalsjef for Litteratursymposiet i Odda, forlagsredaktør og er no dagleg leiar for Cornerteatret i Bergen.Eikemo debuterte i 1999 med intervjuboka Her, no. Møte med unge menneske. Hennar første roman, Mellom oss sagt, kom i 2006. Eikemo har til saman gitt ut fem romanar, den seinaste er Gratis og uforpliktande verdivurdering (2018). Ho har også skrive essayboka Samtidsruinar.

Marit Eikemos bøker er både smarte og underhaldande, og har imponert både kritikarar og publikum med sine presise observasjonar av det norske samfunnet og tida vi lever i. Ho mottok Amalie Skram-prisen 2017 for sin forfattarskap, og er festspeldiktar på Dei nynorske festspela 2018.

Bjørn Tomren (f. 1981) er ein jodlar, strupesangar, visesangar, komikar og komponist frå Tomrefjorden i Møre og Romsdal.
Tomren vart først kjend frå duoen Polkabjørn og Kleine Heine, men er involvert i ei rekkje prosjekt – mellom anna Kniven på strupen saman med Ole Paus.

Sagt om boka: 

«Eikemo har et presist og godt språk og mange fine formuleringer. Det er lett å lese henne. At hun er en skarp observatør, har hun vist i alle sine bøker. Hun har også god evne om å få oss til å tenke videre og til å se det som ligger mellom linjene, (…) få oss til å løfte bliket og ta inn både omgivelser og samtiden»
Mette Bleken, Hardanger Folkeblad
«Alt før ho vart lansert, var fyrsteopplaget av Marit Eikemo si novellesamling Hardanger utselt»
Nils Kvamsdal, Avisa Hordaland
Huus bokhandel vil vera til stades for sal av boka

Tid

(Fredag) 20:00

Stad

Kunsthuset Kabuso

Hardangerfjordvegen 626, 5610 Øystese

Hardanger og Voss museum

Administrasjon:
Museumsvegen 36, 5778 Utne
Tlf 404 34 100 / post@hvm.museum.no

Nyhendebrev

Meld deg på nyhendebrevet vårt for info om det som skjer ved våre besøksstadar!

Opningstider

Sjå dei einskilde besøksstadane for opningstider

Hardanger and Voss museum

Administration:
Museumsvegen 36, Utne
Tel: +47 404 34 100 / post@hvm.museum.no

Newsletter

Subscribe to our newsletter featuring news about our museums, exhibitions, activities and more

Opening hours

Visit each museum's website for opening hours

X