Kva skjer i HVM?

Frå fredag 30.april kan du høyra songen Danseglede og læra deg Danseglededansen.

Danseglede er ei gåve til alle som treng litt ekstra glede i tidene me er i no, og ingenting gjer betre enn å dansa. Anten åleine, eller saman med kohorten din. Etter kvart så vonar me at grender, byer, skular, fotballag m.m. kan dansa Danseglede saman.

Folkemusikaren Lajla Renate Buer Storli fekk idéen til Danseglede i haust etter inspirasjon frå BlimE-dansen til NRK. Ho laga ein nydeleg tekst, og melodien laga ho saman med John Ole Morken. Så tok Lajla kontakt med hardingfela.no som gjerne ville vera med å spreie Danseglede.

No er Danseglede spelt inn med Lajla, John Ole, Kvarts, Kåre Opheim, Berit Opheim og elevar frå Voss kulturskule. Inga Myhr og Magni Rosvold har laga koreografi og øvingsvideoar til dansen. Me har allereie testa den ut, og den høver godt for både små og store.

Hardingfela.no inviterar alle til å dansa og til å laga og sende inn sine eigne Dansegledevideoar med frist 1.oktober! Det vert premére på ein stor Dansegledevideo under Osafestivalen 31.oktober.

Øvingsvideoane for å læra deg dansen finn du her etter 30.april! Songen Danseglede finn du på alle strøymetenester.

Ynskjer du lydfil, spelearrangement, tekst o.s.v. til å laga video o.s.v. så kontakt Rannveig@olebull.no, tlf.nr. 47291012

Takk til alle involverte, til Sparebanken Vest for sponsing og til FolkOrg for samarbeid!

Danseglede cover til single.
Foto: Ingerid Jordal
Cover art: Steinar Karlsen

Hardanger folkemuseum har rike samlingar av tradisjonelle tekstilar, klede som seinare vart utgangspunkt for hardangerbunaden. I utstillinga «opplut og belte» har me leita fram nesten alt me har av belte, opplutar og sjonaleister. Utstillinga er ei oppfylging av 1000 bringklutar. Ho opnar 22. mai 2021 og skal stå til 28. oktober 2022.
Den tradisjonelle draktsikken i Hardanger har røter tilbake til 1600-talet og renessansen. På den tida utvikla mange områder i Noreg særeigen draktskikk som skilte seg frå korleis folk kledde seg i andre bygder. Draktskikken var prega av stor variasjon innan faste rammer. Me ynskjer å syna fram breidda innan dei ulike plaggtypane, med all den variasjon og kreativitet det var rom for.

Opplut
I deler av Hardanger kallar ein livet til kvinnedrakta for opplut/upplut, altså den delen som er øvst. Andre stader vert dette plagget kalla liv eller vest. Syr ein oppluten fast til stakken får ein det som på fagspråket vert kalla «den eldre livkjolen», eit renessanseplagg der opplut og stakk skulle vera i ulik farge og gjerne i ulik stoffkvalitet. Stakkane var svarte eller blå, og oppluten ofte raud eller andre fargar som sto i kontrast til stakken. Oppluten var kanta med band. I utstillinga synar me gamle, rettskorne opplutar, og synar korleis plagget endra seg gjennom århundra. Her er om lag 100 opplutar i ulike fargar og stoffkvalitetar i klede, damask, kalemank, silke og fløyel.

Belte
Kring livet hadde ein belte. Desse finst i eit mangfald av teknikkar, alt frå krossting til smøyg, ulike vevde belte, og perlebelte som er sydd, tredd eller vevd. Motiva er som oftast geometriske figurar som kross, åttebladroser og rombeformer. Nokre belte har fangband, andre ikkje. I utstillinga har me avgrensa til belte i tekstile teknikkar, så sylvbelta og stølebelta kjem i ein anna utstilling seinare. Sjølv om motiva liknar dei som er nytta på bringklutar var det ikkje vanleg å ha same mønster på bringklut og belte.

Sjonaleister
Kvite sokkar med fargerik kant kring ankelen vart nytta av både kvinner, menn og barn. Desse sokkane er strikka i tvebandstrikk, med svært tynne pinnar.

2 gongar i døgeret, 365 dagar i året:
Lysverket Hardanger Skyspace av den amerikanske kunstnaren James Turrell er for tida tilgjengeleg for lysvisningar to gongar i døgeret:
Soloppgang eller solnedgang – du vel etter eige ynskje.

Slik gjer du det:

• • Kjøp billettar på nett her
  • Møt opp i resepsjonen på Hardangerfjord hotell like før oppgitt tidspunkt. Der vil du få utlevert nøkkel og eit infoskriv om lysverket. Adresse: Hardangerfjordvegen 613, Øystese
  • Du låser sjølv opp lysverket like ved (50 meter frå resepsjonen). Set/legg deg til rette og nyt. Adresse: Hardangerfjordvegen 619, Øystese

Praktisk info:

• • • Kle deg som for å vera ute
    • Ha gjerne med sitjeunderlag/nakkepute/pledd eller anna
    • Døra har smekklås og du lukkar deg ut sjølv

Det er elles mogeleg å vitja Hardanger Skyspace i Kabuso si opningstid (utan lysvisning) med gyldig utstillingsbillett.

NB! For å ivareta helse og tryggleik for besøkande vert det kun seld 8 billettar per vising, slik at alle kan halda den naudsynte avstanden til andre.
Ta elles med eige pledd eller anna for å halda varmen, då arrangør for tida ikkje tilbyr dette. 

>> Billettar og tidspunkt finn du her

Årets ungdomsutstiller er Ragnhild Aarvik. Ho kjem frå Lofthus, men er busett i Oslo, der ho er under utdanning ved Kunstakademiet.

Ho kjem til Agatunet med utstillinga Dagsrevyen, tur i skogen og Biola ved spesielle høve. Verka hennar er i hovudsak måleri i olje og akryl, i ulike format. Utstillinga heng til sundag 29. august.

Tittelen avslører ei tilnærming til det kvardagslige menneskelivet, men ber og i seg noko søkande og lengtande gjennom eit slektskap til  typiske kontaktannonseformuleringer. Med ofte nære utsnitt og breie penselstrøk arbeider Ragnhild seg inn på menneskets daglege livsvilkår, og undersøker korleis livet spiller ut i spennet mellom kultur og sivilisasjon på eine sida, og natur og drift på den andre.

Utstillinga vert sett opp i Johanskjellaren, og er inkludert i ordinær billett.

Ragnhild Aarvik har tidlegare synt verka sine på mellom anna joleutstillingane til Hardanger kunstlag i 2017 og 2018, sommarutstillinga på Hotel Ullensvang i 2019, og fleire duo- og gruppeutstillingar i Oslo.

Den nye basisutstillinga på Voss folkemuseum, Utsyn mot Voss, står ferdig til sesongopninga 16. juni og kan opplevast alle dagar kl 11-16 t.o.m. 22. august.

Utstillinga fortel historia om Voss dei siste 500 åra, og er eit resultat av mange års arbeid. Museet har henta fram mange godbitar frå samlingane sine, og har i tillegg lånt inn ei rekkje gjenstandar frå andre.

Utstillinga opnar med ein presentasjon av det gamle bondesamfunnet. På vegen vidare gjennom historia er der to store vendepunkt – opninga av Vossebanen i 1883, og den andre verdskrigen. I utstillinga vil du mellom anna møta mange enkeltpersonar som har prega lokalsamfunnet gjennom desse åra, du vil høyra opptak med mange av dei beste musikarane frå bygda, og du vil sjå filmar frå Ekstremsportveko. Det heile vert presentert på ein ryddig og innbydande måte, og utstillinga er laga av Bergens-firmaet Vill.

Illustrasjon: Skisse til basisutstilling

Bli med på tur! Dette er eit friluftskurs knytt til bruk av småbåt. Me skal ut på Hardangerfjorden, overnatte i telt og lage vår eigen middag! Gjennom kurset vert du kjend med bruken av tradisjonelle robåtar. Kurset kjem til å ha fokus på: Roteknikk, segling med sprisegl/ råsegl/luggersegl,- rigging, fortøying, oppsett/utsett, sjømannskap, trim.

INSTRUKTØRAR: Peter Helland-Hansen, Arne Eriksen

PRIS: 4200,- Inkl. alle måltider, overnatting i telt

MÅLGRUPPE: Nybyrjar/alle

TA MED: Utstyrsliste kjem før kursstart.

STAD: Hardanger fartøyvernsenter, Norheimsund

SPØRSMÅL & PÅMELDING: line.larsen@hvm.museum.no / tlf. 479 74 363 innan 27. mai 2021

>>> Sjå samla kursprogram for Hardanger og Voss museum pr januar 2021

Del to av utstillinga med kunstnarane Leander Djønne, Cecilia Jonsson, Pierre Lionel Matte og Ingri Haraldsen.
Tekst: Tora Sanden Døskeland

I samarbeid med Nordisk Kunstnarsenter Dale

Vel møtt til opning av sommarens utstilling: Styrlause prosessar II – i Kabuso laurdag 19. juni kl. 14!

Program for opninga:
TBA

Deltakande kunstnarar er:
Leander Djønne
Tora Sanden Døskeland
Cecilia Jonsson
Pierre Lionel Matte
Ingri Haraldsen

Styrlause prosessar er eit samarbeid mellom Nordisk Kunstnarsenter Dale (NKD) og Kunsthuset Kabuso.
Prosjektet er sett saman av to utstillingar i Kabuso i somrane 2020 og -21 – og eit tre månadar langt residens-opphald på NKD, Dalsåsen, sommaren 2020.

Vel møtt til tradisjonell jonsokfeiring på idylliske Storeteigen, tysdag 23. juni kl. 17!
Ope tun med staseleg jonsokbryllaup, trohesjing, kunstverkstad, hesteskokasting, m.m.

Bill inkl drikke: 20,- (barn) / 50,- (vaksen) / 100,- (familie)
Bruk gjerne Vipps om mogeleg: 506018 (Kabuso)

Velkomen til utandørs minimusikkfestival med folkrock og hesjer i historiske omgjevnader!
Det skjer på Storeteigen bygdemuseum i Øystese laurdag 26. juni frå kl 19.

Bandet The Foggy Few er kveldens tunorkester.

Arr: Bygdagnist

I heile sumar har Hardanger Folkemuseum gleda av å kunna stilla ut eit utval av arbeida til fotograf Vera Gjersøe. Utstillinga vert å sjå i Nilsastova på Skredhaugen.

Vera Gjersøe har vore aktiv gardbrukar på Voss i mange år, men sidan ho gav ut si fyrste barnebok i 1990 har fotografia hennar tatt opp meir og meir tid. Sidan den fyrste boka har ho gitt ut 13 bildebøker og barnebøker. Alle med eigne foto. Motiva finn ho sjølvsagt rundt seg på garden, men ho reiser og rundt i heile Norge for å fotografera husdyr i alle situasjonar.

Med fotoa og bøkene sine vil Gjersø gje dei yngre generasjonane eit innblikk i, og ikkje minst kunnskap om husdyra våre. Ein del av Gjersø sitt prosjekt er å minske avstanden mellom barn/unge og dyr/landbruk. Det er fyrst når vi som forbrukarar stiller krav at det vert mogeleg å forbetra dyrevelferden i matproduksjon.

Utstillinga er allereie hengd opp og skal i juni ha besøk av fleire skular og barnehagar i området.

Dette er i salgsutstilling så det vil væra mogeleg å kjøpa eller tinga bilder på utstillinga.

Offisiell opning vert den 27. juni og utstillinga er open kvar sundag frå klokka 12 til 17 fram til 8. august.

Dialogutstillinga er eit 3-årig samarbeidsprosjekt mellom Hardanger folkemuseum og kurator Lars Korff Lofthus, der me inviterar samtidskunstnarar til å gå i dialog med den store kunstsamlinga etter Jon Bleie. Kunstnarane vil både syna sine eigne arbeider, og påverka kva verk frå Bleiesamlinga som stillast ut. Nilsastova vert nytta til prosjektet, som er ein spanande måte å vitalisere dei eldre verka på, og trekke liner mellom ulike tider og uttrykk.

Prosjektet starta i 2020, med den Norgesbusette svenske kunstnaren Patrik Entian (f.1966).

Kunstnaren som er veld ut for Dialog #2 i 2021 er Annette Kierulf.

Utstillinga er open kvar sundag frå 27.06-08.08.21, mellom klokka 12 og 17.

Kierulf arbeider hovudsakeleg med tresnitt, men og teikning, veggmåleri, objekt og artist books. Ho hentar gjerne sine motiv frå natur og kulturlandskap. Motiva tek ofte utgangspunkt i observasjoner frå nærmiljøet på Vestlandet, og går samastundes i dialog med kunsthistoriske referansar innan landskapstradisjonen. I dialogforma denne utstillinga inviterar til, må Kierulf ikkje berre i dialog med landskap, men med konkrete verk og tolkingar av landskap og andre motiv, og me gler oss til å oppleva dette på Skredhaugen!

Annette Kierulf har hatt ei lang rekke duo-utstillingar med syster og kollega Caroline Kierulf. Dei har utvikla ei samarbeidsform der dei jobbar individuelt innanfor ei felles teoretisk råme knytta til stad, språk, feminisme og økologi. Dei har stilla ut mange plassar, til dømes Kunstnerforbundet, Kunstneres Hus, Bergen Kunsthall og Great North Museum Hancock i Newcastle.

Kierulf har og vore med å starta og drifte ulike prosjekt i det frie kunstfeltet i Bergen, som galleri By th Way (1999-2007) og tidsskriftet Kunsjournalen B-post (2206-2017) Ho har jobba som kurator for mellom anna den 4. utgåva av Momentum – nordisk festival for samtidskunst, Vestlandsutstillingen, KORO og Nasjonale Turistveger.

Annette Kierulf er fødd i Oslo i 1964, utdanna ved Statens Høgskole for Kunsthåndverk i Bergen, Kunstakademiet i trondheim og Vestlandets Kunstakademi. Ho er professor i kunst med fordjupning i grafikk ved Kunstakademiet, Institutt for samtidskunst ved UiB.  Saman med systera Caroline Kierulf skal ho stilla ut på Haugesund Billedgalleri komande haust, og på KODE i 2022. Ho bur og arbeider på Radøy nord for Bergen.

I heile sumar har Hardanger Folkemuseum gleda av å kunna stilla ut eit utval av arbeida til fotograf Vera Gjersøe. Utstillinga vert å sjå i Nilsastova på Skredhaugen.

Vera Gjersøe har vore aktiv gardbrukar på Voss i mange år, men sidan ho gav ut si fyrste barnebok i 1990 har fotografia hennar tatt opp meir og meir tid. Sidan den fyrste boka har ho gitt ut 13 bildebøker og barnebøker. Alle med eigne foto. Motiva finn ho sjølvsagt rundt seg på garden, men ho reiser og rundt i heile Norge for å fotografera husdyr i alle situasjonar.

Med fotoa og bøkene sine vil Gjersø gje dei yngre generasjonane eit innblikk i, og ikkje minst kunnskap om husdyra våre. Ein del av Gjersø sitt prosjekt er å minske avstanden mellom barn/unge og dyr/landbruk. Det er fyrst når vi som forbrukarar stiller krav at det vert mogeleg å forbetra dyrevelferden i matproduksjon.

Utstillinga er allereie hengd opp og skal i juni ha besøk av fleire skular og barnehagar i området.

Dette er i salgsutstilling så det vil væra mogeleg å kjøpa eller tinga bilder på utstillinga.

Offisiell opning vert den 27. juni klokka 16:00 og utstillinga er open kvar sundag frå klokka 12 til 17 fram til 8. august.

Sjå maleri bli skapt strøk for strøk, akkompagnert av tonar frå dei tre musikarane Heidi Lambach, Roger Stangervåg og Oddgeir Røssland.
Kunstnar: Marijke Strømmen

Bileta inspirerar musikken, og musikken inspirerar bileta! Kunstkonserten er ei blanding av improvisasjonar og framføringar av ferdigskrivne låtar. Desse vert stort sett framførte på norsk og stemninga i musikken er intim, varm og nær. Tema som går igjen i tekstane er naturen, mennesket, ekte opplevingar og kjensler. Sjangeren kan skildrast som viser og visepop inspirert av folkemusikk og jazz.

Musikarane og kunstnaren vil og prata litt om kunst- og skapingsprosessen:
Korleis dei jobbar fram ei låt, ein tekst, eit bilete eller eit musikkstykke.
Kva som inspirerar dei og kor dei finn glede og energi til å skapa.

Varigheit: 1 t 30 min inkl. ca 30 min pause (open kafé)
Passar alle aldersgrupper

Om musikarane:
Dei tre musikarane starta sitt musikalske samarbeid for to år sidan då dei møttest på ein visefestival.
Heidi Lambach er fulltidsmusikar og artist frå Bergen, og gjev ut soloplata Hjerter Som Vil til hausten. Ho gledar seg til å besøka Kabuso igjen på lanseringsturné i oktober.
Roger Stangervåg er busett på Bømlo og syng og skriv låtar. Han vert omtala som ein naturens mann og låtane hans peikar ofte i retning av alt det vakre naturen har å by på.
Oddgeir Røssland er ein eminent gitarist busett i Rosendal. Med sin rolege og blide tilstedeværelse er han ein draum å lytta til.
Dei tre musikarane har etablert seg som ein jordnær trio med musikalitet, tilstedeværelse og improvisasjon i fokus. Konseptet Kunst og musikk minutt for minutt er nyutvikla og hadde premiere i Skånevik i mai.

Gratis arrangement

Velkomen til ei varm, nær og inspirerande kulturoppleving i foajéen i Kabuso!

FASTE MINIKONSERTAR JULI 2021

Sesongen 2021 kjem ein ung felespelar, Jonas Laupsa,  til Agatunet og held minikonsertar. Konsertane vert kvar fredag og laurdag i juli måned, klokka 12:15 og 13:00.

Konsertene er inkluderte i billetten, og vil normalt verte haldne i Lagmannsstova, med eit avgrensa antal tilgjengelege plassar. Du kan skriva deg på liste i kaféen når du løyser billett for å reservera plass.

Jonas kjem frå Folkedal i Granvin, byrja å spele fele når han var 7 år gamal. Han gjekk på musikkskulen i Granvin, med Knut Hamre og Johanna Mjeldheim som lærarar, har siden gått på musikklinja på Voss Gymnas og i lære hjå Leif Rygg, Steinar Rygg, Åse Teigland. Han har delteke på Vestlandskappleik, Hordamønstring, landskappleik og ulike kurs rundt i landet. Jonas har fleire gonger vunne klasse C hardingfele på kappleikar. Han har òg delteke aktivt i Hardanger junior- og seniorlag og spelt med dei på kappleikar. Jonas spelar òg på konsertar på Voss og i Hardanger, blandt anna saman med kvedaren Mari Holven, og Vossarebels. Han har motteke Audhild Flaktveit Moxnes sin minnepris i 2017 og Sparebankstiftinga Hardanger sitt kulturstipend.

Jonas Laupsa er ein talentfull og engasjert hardingfeleutøvar som me gler oss over at skal spela hjå oss i sommar!

Konsertane varer 20-30 minutt. Kom og høyr ungdommen formidla tradisjonen!

Kvar sundag i juli held Storeteigen bygdetun ope for publikum kl 11-17.

Ta familien med og opplev eit variert tilbod:
* Minikafé med sveler, kaffi og saft
* Opne stover
* Utstilling av Margrethe Brekke – 17 bringklutar og forvaltarsamfunnet i Kvam herad
* Triveleg uteområde å rusla rundt på, nyta utsikta frå haugen og slå seg ned for ei stund

Det blir også konsertar med Ingrid Standal Sørheim på toradar (ikkje 11. juli) kl 12, 13 og 14.30

Bill: 50,- (vaksen) / gratis under 16 år (helst på Vipps – evt kontant)
Halv pris med Sommarpass 2021 (kjøp på m.a. Kunsthuset Kabuso eller Hardanger fartøyvernsenter)

Haustens første konsert i Kabuso blir ei jazza affære med Frode Gjerstad trio + 1. Bli med sundag 12. september kl 18!

FRODE GJERSTAD trompet
PAAL NILSEN-LOVE slagverk
JON RUNE STRØM bass
ØYVIND STORESUND bass

Frode Gjerstad er fylt 70 år, men norsk frijazz sin gudfar er vital som aldri før. Med seg på laget har han dei fremste representantane frå nye generasjonar med improvisasjons-bråkebøtter:
Manifestert gjennom Paal Nilsen-Love, Noregs mest ekspressive trommeslagar – og eit heilt buekorps åleine.
Bassist Jon Rune Strøm har mellom anna bakgrunn frå Mats Gustafsson og Petter Wettre sine prosjekt, medan Øyvind Storesund kjem frå Cloroform, Kaada og Kaizers Orchestra.

Ver budd på intens energi og telepatisk samspel!

I samarbeid med Vestnorsk Jazzsenter

16. september kl. 19.00 er det torsdagsføredrag på Hardanger fartøyvernsenter! Denne kvelden skal omhandle Røde Kors og den viktige jobben dei gjer på sjøen.

Me får besøk av frivillig i Røde Kors, Andreas Aldeholm, som skal fortelje om reelle hendingar, og me skal mellom anna også høyre om natta då fregatten «KNM Helge Ingstad» kolliderte med tankskipet «Sola TS» i Hjeltefjorden utanfor Bergen i 2018. Ein tragisk ulukke med eit omfattande etterspill.

«Røde Kors hjelper menneske i Norge og internasjonalt. Våre frivillige er til stades for menneske somtreng støtte og hjelp. Røde Kors har over 200 båtar i beredskap langs heile kysten, og 65 av landets 280 hjelpekorps har spesialisert seg på søk og redning på sjø og vatn.»

Arrangementet vert gjennomført i tråd med gjeldande retningslinjer for smittevern.

Inngang kr 100,- (i døra)

Open kafé og museumsbutikk

Velkomen!

Dette introduksjonskurset i sveiping går over 3 kveldar (23.sept., 30.sept., 7.okt. frå kl. 18.00-21.00.) På dette kurset skal du få ei innføring i handverksteknikken sveiping: Ein bøyer eit tynt trestykke og syr endane saman. Som deltakar på dette kurset får du prøve bøying av tre på form, sying med tæger (røtter) og felling av botn. Du endar opp med ei rund eller oval øskje/kurv som du kan bruke til mangt og mykje.

INSTRUKTØRAR: Peter Helland-Hansen, Arne Eriksen

PRIS: 2000,- Inkl. kaffimat

MÅLGRUPPE: Nybyrjar

TA MED: Kniv, blyant

STAD: Hardanger fartøyvernsenter, Norheimsund

SPØRSMÅL & PÅMELDING: line.larsen@hvm.museum.no / tlf. 479 74 363 innan 2 sept. 2021

>>> Sjå samla kursprogram for Hardanger og Voss museum pr januar 2021

Helgekurs i aktteikning på Kabuso i Hardanger hausten 2021!

I dette kurset får du høve til å teikna etter aktmodell. Å teikna etter levande modell er ei fantastisk, lærerik og utfordrande oppleving, som har vore ein sentral del av kunstutdanninga gjennom tidene. Målet er å undersøka kroppens haldningar og rørsler. Kurset er lagt opp som ein kombinasjon av teori og korte og lengre teikneøkter. Du får vegleiing og korrektur tilpassa ditt nivå.

Målgruppe: Alle. Nybyrjarar og erfarne teiknarar.
Instruktør: Marijke Strømmen.

Pris: 2800,-/3825,-*
*inkludert overnatting i enkeltrom med frukost på Hardangerfjord hotel

Lunsj, drikke og snacks er inkludert i prisen begge dagar.
Ta med papir og teiknesaker. Kan tingast ved påmelding for 350,-

Påmelding: karen@kabuso.no innan 17. september

>>> Sjå kursprogram for Hardanger og Voss museum pr. januar 2021

Sundagkveld med Jorun Marie Kvernberg & co i Kabuso – hald av 3. oktober for desse fire jazz- og folkemusikarane!

Perleskum er:
Jorun Marie Kvernberg (fele, hardingfele, song, komponist)
Unni Boksasp (folkesong, harpeleik)
Lars Andreas Haug (tuba)
Dag-Filip Roaldsnes (piano)

To folkemusikarar og to jazzmusikarar leikar seg med nye tonar til Vinje sine evig unge ord, og har med seg eit spildrande nytt album. Tuba-virtuosen Lars Andreas Haug ertar den kvikke nordmørs-stemma Unni Boksasp opp i nye høgder. På svarte og kvite loddar Dag-Filip Roaldsnes djupet, medan komponist og felespelar Jorun Marie Kvernberg auser på og opp og fram med boge og streng.

Dei ettertrakta musikarane har kvar for seg og i ulike konstellasjonar mangfaldige plateutgjevingar, fleire Spellemannprisar og ei imponerande merittliste.

Perleskum spring ut frå tingingsverket «På geitevis», som var tinga av Førdefestivalen 2018.

>>> Sjå nettsida for Perleskum
>>> Perleskum på Spotify

Høyres det spanande ut å få innføring i smedfaget? Då er dette ein stor moglegheit for deg. Som deltakar på dette kurset får du prøve deg på basisteknikkar i smiing, og alle får med seg eigenproduserte gjenstandar etter kurset. Bli med på kurs for nybyrjar i smiing på Hardanger fartøyvernsenter 8.-10. oktober 2021!

INSTRUKTØRAR: Seppe Lehembre, Lars Ystanes

PRIS: 5600,- Inkl. alle måltider

MÅLGRUPPE: Nybyrjar

TA MED: Smihammar, vernebriller, vernesko, hanskar og klede som egnar seg

STAD: Hardanger fartøyvernsenter, Norheimsund

SPØRSMÅL & PÅMELDING: line.larsen@hvm.museum.no / tlf. 479 74 363 innan 17. sept. 2021

Har du lyst å lære ein unik og gammal kunnskap? Då er det å melde seg på dette kurset i handlegging. Instruktør og reipslagar ved Hardanger fartøyvernsenter, Ingunn Undrum, vil i dette kurset lære deg å lage tau slik vikingane gjorde. Kurset gje eit djupdykk i den riktig gamle teknikken med å legge tau for hand med særs enkle hjelpemiddel, der hovudmaterialet er lindebast. Velkomen til kurs i ein teknikk ikkje mange veit om no til dags!

INSTRUKTØR: Ingunn Undrum

PRIS: 4500,- Inkl. alle måltider

MÅLGRUPPE: Nybyrjar

TA MED: Kniv

STAD: Hardanger fartøyvernsenter, Norheimsund

SPØRSMÅL & PÅMELDING: line.larsen@hvm.museum.no / tlf. 479 74 363 innan 17. sept. 2021

>>> Sjå kursprogram for Hardanger og Voss museum pr. januar 2021

Smøyg er ein svært gamal broderiteknikk, som i utsjånad liknar på veving. Den har vore mykje nytta på bringklutar, og er førebiletet til dei vevde bringklutane mange nyttar i dag. Smøyg har og vore nytta på skjortekragar og på kaps, då som svartsaum.

Kurslærar er konservator på Norsk folkemuseum, Kari-Anne Pedersen. Ho har mellom anna jobba mykje med broderi på skjorter frå Telemark, som har svært forseggjorte smøygbroderi.

>>> Sjå samla kursprogram for Hardanger og Voss museum pr januar 2021

I oktober er Hardanger på noko av sitt vakraste. Bli med kunstnar Wim van den Toorn ut i naturen med teikneblyant og blokk!

På dette kurset skal ein jobba med teikning i friluft. Å arbeida med friluftsteikning har lang tradisjon i kunsthistoria som til dømes i impresjonismen og nasjonalromantikken. Eksperimentering, undring og sansing står sentralt i arbeidsmetodane me skal utforska. Kurset vil vera ein kombinasjon av kreativ praksis ute i naturen, dialog og forelesingar om temaa kunst og natur.

Målgruppe: Alle. Nybyrjarar og erfarne teiknarar.
Instruktør: Wim van den Toorn.

Pris: 3500,-/4525,-*
*inkludert overnatting i enkeltrom med frukost på Hardangerfjord hotel
Lunsj, drikke,snacks og middag laurdag er inkludert i prisen.

Ta med papir og teiknesaker. Kan tingast ved påmelding for 350,-

Påmelding og spørsmål: karen@kabuso.no
Påmeldingsfrist 1. oktober

Vil du bli ein betre fotograf? Dette kurset høver for deg som er eigar av eit digitalt kamera og ynskjer å verta kjend med korleis nytta dei ulike funksjonane.

Målet er at deltakarane etter gjennomført kurs kan utnytta potensialet som ligg i kameraet. Slik får ein betre bilete og større fotoglede. Fotograf Kjell Herheim er kursleiar. Herheim er ein velkjend fotograf på Voss og var i mange år innehavar av Herheim foto. Sidan 2014 har han hatt ansvar for fotosamlinga ved Voss folkemuseum.

Varigheit: 3 timar pr kurs.
Datoar: 25.10, 26.10 og 27.10.2021.

Maks 5 personar pr kurskveld
Pris: kr. 600,-
Ta med digitalt fotoapparat.

Det vert servert kaffi og lefser.

Påmelding: voss.folkemuseum@hvm.museum.no eller tlf. 47 47 97 94 innan 20. oktober 2021

>>> Sjå kursprogram for Hardanger og Voss museum pr. januar 2021

Vil du bli ein betre fotograf? Dette kurset høver for deg som er eigar av eit digitalt kamera og ynskjer å verta kjend med korleis nytta dei ulike funksjonane.

Målet er at deltakarane etter gjennomført kurs kan utnytta potensialet som ligg i kameraet. Slik får ein betre bilete og større fotoglede. Fotograf Kjell Herheim er kursleiar. Herheim er ein velkjend fotograf på Voss og var i mange år innehavar av Herheim foto. Sidan 2014 har han hatt ansvar for fotosamlinga ved Voss folkemuseum.

Varigheit: 3 timar pr kurs.
Datoar: 25.10, 26.10 og 27.10.2021.

Maks 5 personar pr kurskveld

Pris: kr. 600,-

Ta med digitalt fotoapparat.

Det vert servert kaffi og lefser.

Påmelding: Epost: voss.folkemuseum.hvm.museum.no  eller tlf. 47 47 97 94 innan 20.oktober 2021

>>> Sjå samla kursprogram for Hardanger og Voss museum pr januar 2021

Vil du bli ein betre fotograf? Dette kurset høver for deg som er eigar av eit digitalt kamera og ynskjer å verta kjend med korleis nytta dei ulike funksjonane.

Målet er at deltakarane etter gjennomført kurs kan utnytta potensialet som ligg i kameraet. Slik får ein betre bilete og større fotoglede. Fotograf Kjell Herheim er kursleiar. Herheim er ein velkjend fotograf på Voss og var i mange år innehavar av Herheim foto. Sidan 2014 har han hatt ansvar for fotosamlinga ved Voss folkemuseum.

Varigheit: 3 timar pr kurs.
Datoar: 25.10, 26.10 og 27.10.2021.

Maks 5 personar pr kurskveld

Pris: kr. 600,-

Ta med digitalt fotoapparat.

Det vert servert kaffi og lefser.

Påmelding: voss.folkemuseum.hvm.museum.no eller tlf. 47 47 97 94 innan 20. oktober 2021

>>> Sjå kursprogram for Hardanger og Voss museum pr. januar 2021

Aleksander Nordahl (49) har fridykka seg gjennom verdas hav, fjordar og innsjøar. Det starta som eit journalistisk prosjekt, men har etter kvart vorte eit storslått kunstprosjekt «På ett pust». Gjennom bileta utforskar Aleksander ei verd under vatn me skjeldan får oppleve, på nytt og utradisjonelt vis, alt på eitt pust og berre med hjelp av si eiga lungekapasitet.

Ei magisk og stille verd kjem til uttrykk i undervassbileta hans. Ein dykkar fanga mellom notid og fortid. Falne tre og gigantiske kvalar.
Aleksander er pressefotografen som har skildra menneskeleg godheit, men også vondskap og lidingar frå krigen. Gjennom kamera har han sett og fortald i 30 år. Bileta hans har fått fleire utmerkingar og prisar. I 2002 fekk han den prestisjetunge prisen «World Press Photo», Children`s award for det ikoniske bilete av Tre søstre i Afganistan. Han har også vunne hovudprisen Årets Bilde to gonger, seinast i 2017 med eit bilete frå Syria. Seinast i år blei bilta hans av kvitkvalen Hvaldimir nominert til Sony World Photography Awards.

Det er ein stor kontrast frå blodige gater i Aleppo i Syria til stille vatn i Noreg, under isen eller i møte med gigantiske kvalar i Atlanterhavet. Men på alle stadene får fotografen bruk for å behalde roen fordi alle bileta under vatn vert teke på eitt pust.

Aleksander gjer alt for å fange augneblinken om det er over eller under vatn. Med prosjektet «På ett pust» har han tatt steget inn i kunstverda, og hatt fleire utstillingar til god kritikk.

I dette føredraget fortel fotografen om prosjektet, viser bileta og fortel kvifor og korleis bileta har vorte til.

«Bileta er prega av ein djup respekt når dei er frå eit miljø der eg ikkje høyrer heime, og eg må stole på eigen lungekapasitet. Eg er berre på besøk – og på lånt tid.»

Gå ikkje glipp av ein særs fascinerande føredragskveld som utan tvil vil få deg til å halde pusten.

Arrangementet vert gjennomført i tråd med gjeldande retningslinjer for smittevern.

Inngang kr 100,- i døra

Open kafé og museumsbutikk

Velkomen!

På dette kurset får me besøk av seglmakar Tor Erik Gustavsen frå «TEG seil» som har jobba som fulltids seglmakar sidan 2001. Gjennom kurset skal me læra om reparasjon og vedlikehald av tradisjonelle segl med fokus på segl til gaffelrigga båtar. Me skal mellom anna også innom syteknikkar, teori om forming av segl, handarbeid på segl, vedlikehald og reparasjonar.

INSTRUKTØR: Tor Erik Gustavsen

PRIS: 4300,- Inkl. alle måltider

MÅLGRUPPE: Eigarar av båtar med tradisjonell gaffelrigg

TA MED: Kniv, saks, seglhanske

STAD: Hardanger fartøyvernsenter, Norheimsund

SPØRSMÅL & PÅMELDING: morten.hesthammer@fartoyvern.no/ tlf. 474 88 295, innan 18. okt. 2021

>>> Sjå samla kursprogram for Hardanger og Voss museum pr januar 2021

Treng du å kvesse verktøyet ditt? På Hardanger fartøyvernsenter vert det maritimt verktøyseminar med tema «sliping av verktøy» frå 10-12. november 2021.

Kvast verktøy er avgjerande for godt handverk. På årets maritime verktøyseminar vil deltakarane ha fokus på sliping av ulike handverktøy. Deltakarane vil få grundig instruksjon i sliping av øks, sag, kniv, navar, høveltann og stemjarn.

Maritimt verktøyseminar er eit årleg arrangement, med skiftande tema. Seminaret vender seg til profesjonelle handverkarar som dagleg arbeider med tradisjonelt verktøy og arbeidsprosessar i båt og bygningar. Seminaret har vorte ein viktig møteplass for tradisjonshandverkarar.

INSTRUKTØRAR: Trond Oalann, Johannes Fosse, Peter Helland-Hansen, Kasper Krogh Hansen, Ivar Hoflandsdal

PRIS: 3000,- Inkl. alle måltider

MÅLGRUPPE: Tradisjonshandverkarar

TA MED: Verktøy for sliping – meir info kjem

STAD: Hardanger fartøyvernsenter, Norheimsund

SPØRSMÅL & PÅMELDING: line.larsen@hvm.museum.no / tlf. 479 74 363 innan 21. okt. 2021

Seminaret er støtta av Riksantikvaren

>>> Sjå samla kursprogram for Hardanger og Voss museum pr januar 2021

Kabuso er glade for å kunne presentere denne tidlegare korona-avlyste konserten; fredag 12. november kl 19!

MARI KVIEN BRUNVOLL vokal, elektronikk
EVA PFITZENMAIER vokal, keys, fløyte
STEIN URHEIM gitar, effekter, langeleik
STEPHAN MEIDELL gitar, elektronikk
KIM ÅGE FURUHAUG trommer, perkusjon
ØYVIND HEGG-LUNDE trommer, perkusjon

Voice & Strings & Timpani var opprinneleg eit bestillingsverk til Nattjazz, som endeleg har vorte foreviga i studio.
Musikken befinner seg på ein dogmefri stad kor synthar, franske gloser og draumedryssande gitarar dansar taktfast i ring på samtidsmusikkfest.

I november 2020 kom albumet “Voice & Strings & Timpani” på det velrenommerte selskapet Hubro til særs gode kritkkar.

All musikk er komponert av Stephan Meidell og Øyvind Hegg-Lunde, begge kjende frå blant anna Erlend Apneseth Trio og Building Instrument.
Dei har i ei årrekkje jobba saman i duokonstellasjonen Strings & Timpani, og denne gongen utvidar dei formatet med nokre av sine favorittmusikantar frå den eigenarta improvisasjonsscenen i Bergen.

Sjekk ut VST på YouTube: 

Har du lyst å lage halvmodell? På denne måten kan du visualisere draumebåten og henge den på veggen. Ut ifrå teikningar lagar me kvar vår halvmodell. Kan vera av draumebåten, eller andre teikningar. Kanskje til og med ei gåve?

INSTRUKTØR: Morten Hesthammer

PRIS: 2900,- Inkl. alle måltider

MÅLGRUPPE: Nybyrjar/alle

TA MED: Kniv, rasp, høvel, lita øks

STAD: Hardanger fartøyvernsenter, Norheimsund

SPØRSMÅL & PÅMELDING: line.larsen@hvm.museum.no / tlf. 479 74 363 innan 5. nov. 2021

>>> Sjå samla kursprogram for Hardanger og Voss museum pr januar 2021