Ledige stillingar
Her finn du aktuelle stillingsutlysingar i Hardanger og Voss museum
Hardanger og Voss museum er eit konsolidert museum beståande av:
Hardanger fartøyvernsenter, Kunsthuset Kabuso, Hardanger folkemuseum, Agatunet, Voss folkemuseum, Storeteigen bygdetun, Borgstova og Granvin bygdemuseum.
Hardanger og Voss museum har stor geografisk spreiing, og institusjonane har stor tematisk breidde. I tillegg til kulturhistoriske museum omfattar Hardanger og Voss museum eit av dei få reine skulpturmusea i landet, eit kunst- og kultursenter og eit nasjonalt fartøyvernsenter. Museet er regionsmuseum for Hardanger-kommunane og Voss herad
SMÅBÅTBYGGJAR
100 % fast stilling ved Hardanger fartøyvernsenter
Søknadsfrist snarest
Sendes til: personal@hvm.museum.no
Søknadsfrist 8. mai 2026
Ledig fast deltidsstilling som kafèmedarbeidar
Kabuso og Ingebrigt Vik museum er ein kunstinstitusjon som har ope heile året med varierande kunstutstillingar, konsertar og publikumsarrangement. Kabuso har i tillegg eigen kafé og butikk.
Frå medio juni 2026, har Kabuso ledig fast 24,3% stilling i kafé/resepsjon. I tillegg vil arbeidet også omfatte publikumsarrangement.
Kabuso ser etter den som har kunnskap og interesse for kunst og musikk, og evner å formidle på norsk og engelsk. Du må beherske grunnleggande digitale verktøy, ha gode samarbeidsevner og like å arbeide med publikum.
Arbeidet er fordelt på vaktplan med fast arbeid kvar tredje helg, frå fredag til sundag, i løpet av året. For sommarsesong kommer i tillegg tre vekers arbeid tilsvarande full stilling. Samla for året, utgjer dette 24,3% stilling.
Det er ein fordel med erfaring frå tilsvarande arbeid eller verksemd, men ikkje noko krav!
Me kan tilby:
- Et triveleg arbeidsmiljø
- Gode pensjons- og forsikringsordningar, bedriftshelseteneste og velferdsordningar
- Løn etter avtale
Om Kabuso
Kunsthuset Kabuso vart opna i januar 2006, som Hordaland Fylkeskommune sin tusenårsstad, og ligg i Øystese, Hardanger.
Kabuso er eit kunsthus som presenterer skiftande kunstutstillingar og konsertar. Kabuso er ei avdeling i Stiftinga Hardanger og Voss Museum.
