Familieverkstad med kunstnar Mina Arakaki(JP)

Kva ser du frå vindauget ditt? Kva skulle du ynskje du såg, og kva trur du at du ser i framtida? Saman med kunstnar Mina Arakaki frå Japan skal me utforske kva som kan vere på utsida av ulike vindauge ved hjelp av teikning og collage. Mina har med seg teikningar av både typisk norske og japanske vindauge som utgangspunkt for å illustrere vidare.

Famileverkstad: Under verkstaden får ein utfalda seg kreativt med ulike materialar og metodar. Verkstaden er utforma av ein profesjonell kunstnar som saman med vertar frå Kabuso leiar verkstaden. Kvar gong kjem ny kunstnar og nye oppgåver. Meir info om kva verkstaden inneheld vert lagt ut når dagen nærmar seg.

Inga påmelding.
Medlemskap i klubben kostar 90 kroner per barn og gir gratis inngang til alle arrangementa hausten 2023.

Bornas Kabuso er ein kunst- og filmklubb for alle born. Her viser me mellom anna animasjonsfilm og byr på kreative verkstadar. Verkstadane vert stort sett til i samarbeid med Kunstnarhuset Messen.