Frå fredag 30.april kan du høyra songen Danseglede og læra deg Danseglededansen.

Danseglede er ei gåve til alle som treng litt ekstra glede i tidene me er i no, og ingenting gjer betre enn å dansa. Anten åleine, eller saman med kohorten din. Etter kvart så vonar me at grender, byer, skular, fotballag m.m. kan dansa Danseglede saman.

Folkemusikaren Lajla Renate Buer Storli fekk idéen til Danseglede i haust etter inspirasjon frå BlimE-dansen til NRK. Ho laga ein nydeleg tekst, og melodien laga ho saman med John Ole Morken. Så tok Lajla kontakt med hardingfela.no som gjerne ville vera med å spreie Danseglede.

No er Danseglede spelt inn med Lajla, John Ole, Kvarts, Kåre Opheim, Berit Opheim og elevar frå Voss kulturskule. Inga Myhr og Magni Rosvold har laga koreografi og øvingsvideoar til dansen. Me har allereie testa den ut, og den høver godt for både små og store.

Hardingfela.no inviterar alle til å dansa og til å laga og sende inn sine eigne Dansegledevideoar med frist 1.oktober! Det vert premére på ein stor Dansegledevideo under Osafestivalen 31.oktober.

Øvingsvideoane for å læra deg dansen finn du her etter 30.april! Songen Danseglede finn du på alle strøymetenester.

Ynskjer du lydfil, spelearrangement, tekst o.s.v. til å laga video o.s.v. så kontakt Rannveig@olebull.no, tlf.nr. 47291012

Takk til alle involverte, til Sparebanken Vest for sponsing og til FolkOrg for samarbeid!

Danseglede cover til single.
Foto: Ingerid Jordal
Cover art: Steinar Karlsen

Hardanger folkemuseum har rike samlingar av tradisjonelle tekstilar, klede som seinare vart utgangspunkt for hardangerbunaden. I utstillinga «opplut og belte» har me leita fram nesten alt me har av belte, opplutar og sjonaleister. Utstillinga er ei oppfylging av 1000 bringklutar. Ho opnar 22. mai 2021 og skal stå til 28. oktober 2022.
Den tradisjonelle draktsikken i Hardanger har røter tilbake til 1600-talet og renessansen. På den tida utvikla mange områder i Noreg særeigen draktskikk som skilte seg frå korleis folk kledde seg i andre bygder. Draktskikken var prega av stor variasjon innan faste rammer. Me ynskjer å syna fram breidda innan dei ulike plaggtypane, med all den variasjon og kreativitet det var rom for.

Opplut
I deler av Hardanger kallar ein livet til kvinnedrakta for opplut/upplut, altså den delen som er øvst. Andre stader vert dette plagget kalla liv eller vest. Syr ein oppluten fast til stakken får ein det som på fagspråket vert kalla «den eldre livkjolen», eit renessanseplagg der opplut og stakk skulle vera i ulik farge og gjerne i ulik stoffkvalitet. Stakkane var svarte eller blå, og oppluten ofte raud eller andre fargar som sto i kontrast til stakken. Oppluten var kanta med band. I utstillinga synar me gamle, rettskorne opplutar, og synar korleis plagget endra seg gjennom århundra. Her er om lag 100 opplutar i ulike fargar og stoffkvalitetar i klede, damask, kalemank, silke og fløyel.

Belte
Kring livet hadde ein belte. Desse finst i eit mangfald av teknikkar, alt frå krossting til smøyg, ulike vevde belte, og perlebelte som er sydd, tredd eller vevd. Motiva er som oftast geometriske figurar som kross, åttebladroser og rombeformer. Nokre belte har fangband, andre ikkje. I utstillinga har me avgrensa til belte i tekstile teknikkar, så sylvbelta og stølebelta kjem i ein anna utstilling seinare. Sjølv om motiva liknar dei som er nytta på bringklutar var det ikkje vanleg å ha same mønster på bringklut og belte.

Sjonaleister
Kvite sokkar med fargerik kant kring ankelen vart nytta av både kvinner, menn og barn. Desse sokkane er strikka i tvebandstrikk, med svært tynne pinnar.

2 gongar i døgeret, 365 dagar i året:
Lysverket Hardanger Skyspace av den amerikanske kunstnaren James Turrell er for tida tilgjengeleg for lysvisningar to gongar i døgeret:
Soloppgang eller solnedgang – du vel etter eige ynskje.

Slik gjer du det:

• • Kjøp billettar på nett her
  • Møt opp i resepsjonen på Hardangerfjord hotell like før oppgitt tidspunkt. Der vil du få utlevert nøkkel og eit infoskriv om lysverket. Adresse: Hardangerfjordvegen 613, Øystese
  • Du låser sjølv opp lysverket like ved (50 meter frå resepsjonen). Set/legg deg til rette og nyt. Adresse: Hardangerfjordvegen 619, Øystese

Praktisk info:

• • • Kle deg som for å vera ute
    • Ha gjerne med sitjeunderlag/nakkepute/pledd eller anna
    • Døra har smekklås og du lukkar deg ut sjølv

Det er elles mogeleg å vitja Hardanger Skyspace i Kabuso si opningstid (utan lysvisning) med gyldig utstillingsbillett.

NB! For å ivareta helse og tryggleik for besøkande vert det kun seld 8 billettar per vising, slik at alle kan halda den naudsynte avstanden til andre.
Ta elles med eige pledd eller anna for å halda varmen, då arrangør for tida ikkje tilbyr dette. 

>> Billettar og tidspunkt finn du her

I perioden frå 9. oktober til 2. januar 2022 viser Kabuso utstillinga På leit mellom plikt og fridom – Hardanger – & Co

Kunstnargruppa -& Co. er sett saman av Jens Hamran, Patrik Entian og Aleksi Wildhagen – og dei tre målarane arbeider hovudsakleg utandørs. I utstillinga På leit mellom plikt og fridom -Hardanger -& Co., viser dei måleriske resultat frå tre reiser til Hardanger, supplert med teikning og fotografi. Dei tre Hardanger-etappane blei gjennomført i 2020-21, først i desember, då det var kaldt og mørkt, seinare i juni då grønska var intens – og til sist i september, då hausten stod for døra.
Kunstnarane har vitja Storeteigen, Fitjadalen, Ålvik, Fyksesund, Børve i Sørfjorden, samt skulpturparken til Ingebrigt Vik museum.
I utstillinga inngår òg eit video og måleri-samansurium frå to måleøkter ved regjeringskvartalet i Oslo, rett og slett for å trekkje makta sine tindar inn på scena.

Utstillinga er støtta av:
Norsk kulturråd
Billedkunstnernes Vederlagsfond

Les meir:
>>> Om -& Co
>>> Jens Hamran
>>>Patrik Entian
>>> Aleksi Wildhagen

MARIUS KLOVNING gitar
HANS HULBÆKMO trommer
KARL HJALMAR NYBERG saksofon
BÁRÐUR REINERT POULSEN kontrabass

Flukten vart til under den mykje omtalte nedstenginga i mars 2020. Dei fire musikarane møttest vekentleg og laga sin eigen musikalske fristad med ein einaste agenda; å skapa musikk saman der og då. Resultatet vart eit kruttsterkt heksebrygg som boblar over av speleglede og leikenheit.

Blant Flukten sine inspirasjonskjelder kan velkjente navn som Paul Motian, Joe Lovano og Bill Frisell nemnast, men bandet har i løpet av kort tid opparbeidd seg sitt eige sterke uttrykk der improvisasjon og spontane innfall står i høgsetet. I september kjem debutplata på Odin Records, og bandet dreg på releaseturné, mellom anna til Kabuso!

Flukten er sett saman av musikarar som har gjort seg bemerka på den norske jazzscenen i band som Hanna Paulsberg Concept, Atomic, Moskus, GURLS, Wako, Espen Berg Trio, Skadedyr og Trondheim Jazzorkester.
Etter debutkonserten i juli 2020 skreiv anmeldarane blant anna:

«Musikken svever. Flukten flyr. Begeistringen i salen gir ekstranummer, og jeg for min del har allerede begynt å glede meg til album.»
– Arild R. Andersen for JazziNorge

«Om det er noen band-debuter som virkelig har satt merker i sjel og hjerte er det denne»
– Johan Hauknes for Salt peanuts

Lat deg sjarmera av unge talent frå Kvam kulturskule – laurdag 23. oktober kl 13!

To gongar i løpet av hausten 2021 byr kulturskulen inn til konsert i Kabuso – for å la deg og dine oppleva kva dei held på med.
Då kan du lena deg tilbake og høyra alt frå den vakraste song til den råaste gitarsoloen.
Du vil garantert bli både imponert, rørt og sjarmert – kakaokonsertane byr alltid på gode overraskingar!

Neste kakaokonsert blir laurdag 11. desember

Før og etter konserten kan du gjerne nyta kafélivet på huset – sjølvsagt med m.a. varm kakao og tilbehør på menyen.

NB! KabusoVen gjeld ikkje på kakaokonsertar då desse er ferdig rabatterte

Arr: Kvam kulturskule og Kabuso

Foto: Ung hardingfelespelar under Kakaokonsert

Laurdag 23. oktober kl 18 kan du ta i mot eit musikalsk postkort som hyllar kjærleiken – frå songar Laila Thortvedt og pianist Mariam Kharatyan

Mellom Arne Garborg sine romantiske tekstar til det sterke uttrykket i Notre Dame de Paris av Victor Hugo er kontrastane mange. Men det universelle temaet kjærleik har dei til felles.
Det naturskjønne hos Veslemøy i Haugtussa og det sensuelle hos Esmeralda av Victor Hugo, tar kjærleiken til dei store høgdene saman med situasjonane dei kjem frå.
Edvard Grieg sin intense musikk, nasjonalromantikken sin musikalske far, blandar seg perfekt med hans samtidige:
Verdi, Fauré, Donizetti og Louise Bertin. Alle har dei skrive musikk til Victor Hugo sine historiar og dikt.

Laila Thortvedt – sopran
Mariam Kharatyan – piano
Bénedicte Charpentier – regi

Program:
Haugtussa av Arne Garborg
Poesi og romanar av Victor Hugo

• Det syng – Veslemøy høyrer trolla synga. Det er her ho ”får” sin skjebne og akspeterar at ho er synsk. Ho blir ikkje berre Veslemøy, men også Haugtussa.
  Blåbærli – Veslemøy plukkar blåbær og drøymer seg vekk når ho tenkjer på kjærasten, samtidig er ho også litt redd for bjørnen, ulven og det underjordiske.
  Veslemøy – Kjærleiken gjer sin inntreden i Veslemøy sitt liv når ho møter Jon, på ein tur i fjellet. 
• Mai – Gabriel Fauré. Melodi inspirert av Victor Hugo si diktsamling « Sanger fra skumringen – Les Chants du crépuscule », 
• Møte – Det lidenskaplege møtet mellom Veslemøy og Jon.
  Elsk – Veslemøy er oppover øyra forelska. Forelskinga og livsgleda vert sterkt uttrykt. 
• Tutte le feste al tempio, Gildas arie, fra operaen Rigoletto – Guiseppe Verdi. Inspirert av romanen « Kongen morer seg». Gilda si naive kjærleikserklæring til Hertugen som later som han er en ung student med navnet Gualtier Maldè 
• Rêve d’Amour – Gabriel Fauré
  Melodiar inspirerte av Victor Hugo si diktsamling «Sanger fra skumringen – Les Chants du crépuscule»
• Killingdans –Edvard Grieg
  Dans les ruines d’une abbaye – Gabriel Fauré. Melodi inspirert av Victor Hugo si diktsamling «Sanger fra gatene og skogene – Chansons des rues et des bois»
  Ernani!… Ernani, involami, l’air d’Elvira, dans l’opéra Ernani – Guiseppe Verdi. Inspirert av Victor Hugo sin roman Hernani. Elvira vert vonlaus når ho ikkje får vera i fred og drøyma om sin utkåra Ernani. 
• Vond dag – Veslemøy ventar kjæresten sin som aldri kjem. Veslemøy er berre ei gjetarjente, mens Jon er lova bort til ei storgårdsdotter. 
• Romance, Esmeraldas arie, frå operaen La Esméralda – Louise Bertin
  Komponisten er ein ven av Victor Hugo og ho er den einaste han aksepterar å skriva ein libretto til. Franz Liszt skriv pianoreduksjonen.
  Esmeraldas romanse skildrar misforståinga når presten Frollo anklagar henne for drapet på Phoebus. Ho mister sin kjære.  
• La Cloche – Camille Saint-Saëns. Den franske kjærleikens ensemd.  
• La Chanson de Solveig – Extrait de Peer Gynt – Edvard Grieg. Solveig ventar på Peer Gynt, sin utvalde. Ho finn ro, ho håpar, ho trur.  

Vil du bli ein betre fotograf? Dette kurset høver for deg som er eigar av eit digitalt kamera og ynskjer å verta kjend med korleis nytta dei ulike funksjonane.

Målet er at deltakarane etter gjennomført kurs kan utnytta potensialet som ligg i kameraet. Slik får ein betre bilete og større fotoglede. Fotograf Kjell Herheim er kursleiar. Herheim er ein velkjend fotograf på Voss og var i mange år innehavar av Herheim foto. Sidan 2014 har han hatt ansvar for fotosamlinga ved Voss folkemuseum.

Varigheit: 3 timar pr kurs.
Datoar: 25.10, 26.10 og 27.10.2021.

Maks 5 personar pr kurskveld
Pris: kr. 600,-
Ta med digitalt fotoapparat.

Det vert servert kaffi og lefser.

Påmelding: voss.folkemuseum@hvm.museum.no eller tlf. 47 47 97 94 innan 20. oktober 2021

>>> Sjå kursprogram for Hardanger og Voss museum pr. januar 2021

Vil du bli ein betre fotograf? Dette kurset høver for deg som er eigar av eit digitalt kamera og ynskjer å verta kjend med korleis nytta dei ulike funksjonane.

Målet er at deltakarane etter gjennomført kurs kan utnytta potensialet som ligg i kameraet. Slik får ein betre bilete og større fotoglede. Fotograf Kjell Herheim er kursleiar. Herheim er ein velkjend fotograf på Voss og var i mange år innehavar av Herheim foto. Sidan 2014 har han hatt ansvar for fotosamlinga ved Voss folkemuseum.

Varigheit: 3 timar pr kurs.
Datoar: 25.10, 26.10 og 27.10.2021.

Maks 5 personar pr kurskveld

Pris: kr. 600,-

Ta med digitalt fotoapparat.

Det vert servert kaffi og lefser.

Påmelding: Epost: voss.folkemuseum.hvm.museum.no  eller tlf. 47 47 97 94 innan 20.oktober 2021

>>> Sjå samla kursprogram for Hardanger og Voss museum pr januar 2021

Vil du bli ein betre fotograf? Dette kurset høver for deg som er eigar av eit digitalt kamera og ynskjer å verta kjend med korleis nytta dei ulike funksjonane.

Målet er at deltakarane etter gjennomført kurs kan utnytta potensialet som ligg i kameraet. Slik får ein betre bilete og større fotoglede. Fotograf Kjell Herheim er kursleiar. Herheim er ein velkjend fotograf på Voss og var i mange år innehavar av Herheim foto. Sidan 2014 har han hatt ansvar for fotosamlinga ved Voss folkemuseum.

Varigheit: 3 timar pr kurs.
Datoar: 25.10, 26.10 og 27.10.2021.

Maks 5 personar pr kurskveld

Pris: kr. 600,-

Ta med digitalt fotoapparat.

Det vert servert kaffi og lefser.

Påmelding: voss.folkemuseum.hvm.museum.no eller tlf. 47 47 97 94 innan 20. oktober 2021

>>> Sjå kursprogram for Hardanger og Voss museum pr. januar 2021

Aleksander Nordahl (49) har fridykka seg gjennom verdas hav, fjordar og innsjøar. Det starta som eit journalistisk prosjekt, men har etter kvart vorte eit storslått kunstprosjekt «På ett pust». Gjennom bileta utforskar Aleksander ei verd under vatn me skjeldan får oppleve, på nytt og utradisjonelt vis, alt på eitt pust og berre med hjelp av si eiga lungekapasitet.

Ei magisk og stille verd kjem til uttrykk i undervassbileta hans. Ein dykkar fanga mellom notid og fortid. Falne tre og gigantiske kvalar.
Aleksander er pressefotografen som har skildra menneskeleg godheit, men også vondskap og lidingar frå krigen. Gjennom kamera har han sett og fortald i 30 år. Bileta hans har fått fleire utmerkingar og prisar. I 2002 fekk han den prestisjetunge prisen «World Press Photo», Children`s award for det ikoniske bilete av Tre søstre i Afganistan. Han har også vunne hovudprisen Årets Bilde to gonger, seinast i 2017 med eit bilete frå Syria. Seinast i år blei bilta hans av kvitkvalen Hvaldimir nominert til Sony World Photography Awards.

Det er ein stor kontrast frå blodige gater i Aleppo i Syria til stille vatn i Noreg, under isen eller i møte med gigantiske kvalar i Atlanterhavet. Men på alle stadene får fotografen bruk for å behalde roen fordi alle bileta under vatn vert teke på eitt pust.

Aleksander gjer alt for å fange augneblinken om det er over eller under vatn. Med prosjektet «På ett pust» har han tatt steget inn i kunstverda, og hatt fleire utstillingar til god kritikk.

I dette føredraget fortel fotografen om prosjektet, viser bileta og fortel kvifor og korleis bileta har vorte til.

«Bileta er prega av ein djup respekt når dei er frå eit miljø der eg ikkje høyrer heime, og eg må stole på eigen lungekapasitet. Eg er berre på besøk – og på lånt tid.»

Gå ikkje glipp av ein særs fascinerande føredragskveld som utan tvil vil få deg til å halde pusten.

Arrangementet vert gjennomført i tråd med gjeldande retningslinjer for smittevern.

Inngang kr 100,- (i døra)

Open kafé og museumsbutikk

Velkomen!

Er du glad i å syngje, eller kanskje du likar å dansa?
Spelar du hardingfele, toradar eller eit anna instrument som t.d. gitar?
Om du svarar «ja» (på eit eller fleire av desse spørsmåla) så meld deg på årets UngOsa!

Osafestivalen og hardingfela.no ynskjer velkomne til UngOsa for 6.gong!
Helgesamlinga er unik i sitt slag i den sørlege delen av Vestland fylke, og me inviterer unge songarar, instrumentalistar og dansarar frå 7 til 18 år til å bli med oss denne helga.

Gjennomgangstemaet for kurshelga er «Danseglede», og alle skal få lov til å anten spele, syngje eller danse til songen Danseglede.
Nytt av året er at det vert eit eige kurs i samspel med John Ole Morken som lærar.

Lærarane:
Lajla Renate Buer Storli og Kim Rysstad i kveding
Ingrid Schei Stuhaug, Maria Skjeldrum Toppe og Knut Hamre på hardingfele
Ole Nilssen og Ingvild Seilen på toradar
John Ole Morken på samspel*
Inga Myhr og Åsmund Nestås Øydvin på dans

*Samspelgruppa: for deltakarar frå 12-18 år, som har spelt ei stund.
Instrument: gitar, bass og hardingfele.
Ope for andre instrument også (t.d. toradar og trekkspel)

UngOsa-deltakarane får delta på konsert og dans under festivalen, dei skal også ha sin eigen konsert, sundag, som avslutting på helga og så vert det sjølvsagt mykje sosialt og moro heile helga igjennom! Hiv dykk med!

Påmeldingsfrist 1. oktober!

Meld deg på her

Bornas Kabuso viser den herlege filmen Alice i eventyrland. Lengd 1 time og 12 min. Etter filmen er borna velkomne til å teikne med oss.

Ein kanin spring hastande forbi ei halvslumrande Alice og peiker på klokka. Nysgjerrig spring Alice etter og havnar nedi eit kaninhull. No er det ingen veg tilbake. Ho er i Eventyrland, kor alt kan skje. Ei fantasifull historie med overraskande vendingar og vanvitige påfunn. Passar for barn mellom 5 og 99 år.

Bornas Kabuso er ein kunst- og filmklubb for alle born med kring 4 arrangement i halvåret.
Medlemsskap kostar 70 kroner, som gir gratis inngang til alle arrangementa i klubben.
Her viser me mellom anna animasjonsfilm og byr på kreative verkstadar.