februar 2019

08feb19:30Konsert SogesongAnne Hytta og Øyonn Groven Myrhen

Les meir

Om arrangementet

Fredag 8. februar kjem årets folkemusikar Anne Hytta og kvedaren Øyonn Groven Myhren til Utne. Saman utgjer dei duoen Sogesong.

-For nokre år sidan byrja me å nærma oss det rike repertoaret av telemarksballadar saman. Dei forunderlege melodiane og eventyrlege forteljingane ville oss noko. Me har vekt dei fram dvala på daudt papir, og sunge og spelt på desse godt gøymde eventyrvisene frå middelalderen til dei smått om senn har fått eit liv som me tykkjer kler dei, fortel Øyonn og Anne i duoen Sogesong.

Øyonn Groven Myhren si unike kvedarsemme og rekonstruksjon av strengeinstrument frå middelalderen er utgangspunktet for Sogesong. Med Øyonn og Anne sitt djupt personlege uttrykk fundert i Telemark sine gamle folkemusikktradisjonar let Sogesong ulikt det aller meste. Sogesong er eit møte mellom det urgamle og noko genuint nytt, forma ut og framført av to folkemusikarar av i dag. Kanskje er det allikevel klangen av noko som kunne ha vore sunge og spelt for lenge, lenge sidan.

Billettar: 250,- Med sesongkort får du billettar til redusert pris: 225,-

Pub og kafé

Dørene opnar omlag ein time før konsertstart. Kafeen er ope, og det vert sal av forfriskingar under og etter konserten.

NB! Laurdag 9.2.19 held Øyonn Groven Myhren balladekurs på Hardanger folkemuseum. Les om kurset her, og meld deg på!

Konsertane på Hardanger folkemuseum vert arrangert i samarbeid med Hardanger folkemusikksamling og med støtte frå Norsk kulturråd.

Logo, Norsk kulturråd

Tid

(Fredag) 19:30

Stad

Hardanger folkemuseum

Museumsvegen 36, 5778 Utne

Hardanger og Voss museum
Administrasjon:
Museumsvegen 36, 5778 Utne
Tlf 404 34 100 / post@hvm.museum.no
Nyhendebrev
Meld deg på nyhendebrevet vårt og motta informasjon om det som skjer ved våre besøksstadar!
Opningstider
Sjå dei einskilde besøksstadane for opningstider
X